Tras avaliar a boa acollida da nova edición do Premio, Igalia decidiu ofrecer un desconto adicional  do 10%  nas taxas de inscripción do Máster en Software Libre a todos os participantes que cumpran os requisitos para ser avaliados para o Premio ó Mellor Proxecto Fin de Carreira.

Trátase dun paso lóxico, xa que o espírito do Premio é fomentar o uso do Software Libre e a participación no mesmo amosa un compromiso forte cos fundamentos do movemento, baseados no libre intercambio de coñecemento e o traballo colaborativo.

O Máster de Software Libre proporciona a formación completa para posicionarse no ámbito profesional, pero o importante é que os futuros hackers entren en contacto cos principios do Software Libre cando aínda teñen unha mente aberta, libres da influencia das grandes factorías de software.

Co apoio do Máster de Software Libre ó Premio tentase incentivar ós estudiantes a descubrir un novo concepto de hacker, máis orientado ó coñecemento profundo das tecnoloxías  e a capacidade de liderar proxectos e comunidades.

Para máis detalles, consultar á sección Xurado e Criterios de avaliación deste blog, ou directamente na páxina correspondente na web do Master.

Desde Igalia temos o pracer de anunciar unha nova edición do “Premio
ao mellor Proxecto Fin de Carreira con Software Libre”.

Para esta nova edición contamos con novos colaboradores, salientando a
axuda recibida por parte do CENATIC, centro de referencia na difusión
e apoio ao Software Libre a nivel estatal.

Os centros educativos Galegos continúan a dar soporte á iniciativa,
dado o gran interese desde o punto de vista educativo que ten o
proxecto. O apoio de Mancomún tamén se mantén este ano, o que confirma
a aposta das institucións Galegas adicadas ao fomento da tecnoloxía.

O proxecto xa atinxiu un nivel de madureza importante, e xa pode
considerarse como unha vía estable para o desenvolvemento dos
proxectos dos estudantes, o nivel de aceptación da iniciativa entre o
colectivo de profesores nas Universidades e Escolas Técnicas é o
adecuado e pensamos que a mellor forma de chegar aos alumnos é falar
con eles directamente.

Aínda están por concretar as datas e lugares, pero a intención de
Igalia para este ano é informar de forma presencial tanto aos
profesores como aos alumnos, intentando explicar as motivacións que
hai detrás do Software Libre e por que é beneficioso facer o PFC
dentro deste marco tecnolóxico.

Estade atentos á lista de correo (premio-pfc-swl@mancomun.org) e á
sección de novas do blogue para recibir máis información acerca dos
actos de difusión e apoio que se están a planificar.

Durante a tarde do martes 17 de novembro, no salón de grados da universidade de Ourense, tivo lugar a presentación da III edición do Premio ó mellor PFC con Software Libre.

Unha vez realizadas as presentacións dos finalistas desta edición, o xurado deciciu otorgar o premio de 1000€ por unanimidade a Sabela Ramos Gadea, co proxecto “Biblioteca de primitivas colectivas para paso de mensaxes en Java en sistemas multi-core“. Este proxecto estará pronto dispoñible dentro da biblioteca MPJExpress, unha das máis empregadas na computación de altas prestacións en Java. Asimesmo, concedeuse o accésit de 500€ a Carlos López, por UGABI: Ubalda Gestor de Ancho de Banda Inalámbrico.

Ambos proxectos, ademáis de presentar unha gran calidade técnica demostraron un compromiso co software libre, o que os fixo merecedores do premio. Nesta edición, ata 8 participantes realizaron tódolos pasos para ser finalistas. A calidade de todos eles foi elevada, como atestigou o xurado á hora da avaliación. Este feito, servirá sen dúbida para consolidar a iniciativa e afrontar as seguintes edicións co obxectivo de ampliar o número de finalistas e expandir o coñecemento do software libre entre o alumnado universitario.

O xurado da terceira edición do Premio estivo composto por:

• Enrique Barreiro, pola Universidade de Vigo.
• Manuel Penedo, pola Universidade da Coruña.
• José Ramón Ríos Viqueira, pola Universidade de Santiago de Compostela.
• Mar Castro, por Mancomún, Centro de Referencia en Software Libre.
• Andrés Maneiro, por Igalia.
• Alejandro Piñeiro, por Igalia.

Só restan 15 días para que se cerre o plazo de inscripción no premio. A través da rolda de correo temos enviado un guión do que podería ser a memoria relativa ó proxecto, que terá que ser enviada antes do 31 de Outubro á dirección de correo premiopfcsoftwarelibre@igalia.com

Aínda que todos os puntos descritos a continuación son importantes de cara a avaliación dos traballos, esta estrutura é meramente unha suxerencia para os participantes.

1. Presentación e introducción
2. Desenvolvemento do PFC
   • Aspectos técnicos relativos ó pfc: tecnoloxías, qué problema resolve, etc
   • Resumo da memoria técnica do PFC
3. Software libre no PFC
   • Xustificación: ¿por qué software libre?
   • Software Libre usado no proxecto: ferramentas, librerías, …
   • Licencia: cal foi elexida e por qué
4. Actividade pública
   • Distribución do código: forxas e ferramentas usadas, etc
   • Publicidade e outras ferramentas utilizadas na difusión e contacto con usuarios e outros desenvolvedores: web, blog, roldas de correo, …
5. Conclusións

Por outra banda, as memorias dos finalistas do ano anterior están dispoñibles públicamente a través da Forxa de Mancomún:

• Gañador: Miguel Álvarez Úbeda, Ferramenta de análise de redes [PDF].
• Accésit: Orlando García Feal, Katmus [PDF].
• Mención de Honra: Diego Pérez Montes, ASTRA [PDF].

Ó longo das seguintes semanas, Igalia estará presente nos campus universitarios das 3 universidades galegas para presentar o Premio ó mellor PFC con Software Libre. Durante a presentación explicaranse os obxectivos e bases desta iniciativa. As datas son as seguintes:

• 30 de Setembro ás 10:00. Santiago de Compostela, Escola Técnica Superior de Enxeñería.
• 30 de Setembro ás 16:30. Vigo, Escola Técnica Superior de Enxeñeiros de Telecomunicación.
• 01 de Outubro ás 12:30. Ourense, Escola Superior de Enxeñería Informática.
• 06 de Outubro ás 12:00. A Coruña, Facultade de Informática.